A do t’i bashkohen LDK-së nëse merren me politikë, Lutfi Haziri bashkë me vajzat i përgjigjen pyetjes

Kreu i Komunës së Gjilanit, Lutfi Haziri që po synon edhe një mandat si kryetar në këtë komunë nga radhët e LDK-së, ka treguar se a do ta ndjekin rrugën e tij politike edhe tri vajzat.

Derisa vajzat e tij janë përgjigjur “Patjetër, normalisht” në pyetjen se a do t’i bashkohet LDK-së, Haziri, ka thënë se nuk ua ka imponuar fëmijëve këtë rrugë.

“Kjo ndikimi në familje, ndikimi te fëmijët, unë do të jem shumë i lumtur që me e bërë gjeneratën e tretë politike, te unë i bjen pak ma shumë, unë jam në Gjilan, ne jemi të njohur, jam gjenerata e katërt që merremi aktivisht me politik, përderisa, babai im i ndjerë është hero i Kosovës për kontribut, ai ka punu edhe ka jetu në Zvicër në emigracion, gjyshi jem ka qenë i dënuar nga perandori osmane 101 vjet, kështu që na e kemi në gjene këtë pjesë të jetës, por, në familje jam mundu me i kursu, problemet e mëdha tash janë zgjidh që janë liria kolektive, jemi familje që jemi pro bashkimit kombëtar, një shtet një atdhe një flamur, për mu ka me pas rrugë ende, po fëmija në shtëpi s’kanë pas ndikim politik për shkak se fëmijët nuk duhet me u politizu, kur të dalin në rrugë duhet me qenë modës, njëjtë me të gjithë”, tha Haziri në ATV.

“Ajo që i bën nervoz cikat e mia është që i paraqesin si vajza që kanë luks edhe harxhojnë shumë, që nuk është e vërtetë, nuk është aspak e vërtetë, as nuk harxhojnë shumë, as nuk kanë kërkesa ekskluzive, modestia në angazhim.

Muzika në anën tjetër është talent, këto i kanë profesionet e veta, profesionalisht besoj shumë që kanë me u ndërtu edhe varësisht ku kanë me shku kanë me e tregu vetën”, thotë Haziri.